Misa latina

Ritus initiales

1. Populo congregato, sacerdos cum ministris ad altare accedit, dum cantus ad introitum peragitur.
Cum ad altare pervenerit, facta cum ministris profunda inclinatione, osculo altare veneratur et, pro opportunitate, crucem et altare incensat. Postea cum ministris sedem petit.
Cantu ad introitum absoluto, sacerdos et fideles, stantes, signant se signo crucis, dum sacerdos, ad populum conversus, dicit:

In nómine Patris, et Fílii, et Spíritus Sancti.

Populus respondet:
Amen.

2. Deinde sacerdos, manus extendens, populum salutat, dicens:

Grátia Dómini nostri Iesu Christi, et cáritas Dei, et communicátio Sancti Spíritus sit cum ómnibus vobis.

Vel:
Grátia vobis et pax a Deo Patre nostro et Dómino Iesu Christo.

Vel:
Dóminus vobíscum.

Populus respondet:
Et cum spíritu tuo.

Episcopus, loco Dóminus vobíscum, in hac prima salutatione dicit:
Pax vobis.

3. Sacerdos, vel diaconus vel alius minister, potest brevissimis verbis introducere fideles in Missam diei.

Actus paenitentialis¹

4. Deinde sequitur actus paenitentialis ad quem sacerdos fideles invitat, dicens:

Fratres, agnoscámus peccáta nostra,
ut apti simus ad sacra mystéria celebránda.

Fit brevis pausa silentii.

Postea omnes simul formulam confessionis generalis perficiunt:
Confiteor Deo omnipoténti et vobis, fratres,
quia peccávi nimis
cogitatióne, verbo, ópere et omissióne:

et, percutientes sibi pectus, dicunt:
mea culpa, mea culpa, mea máxima culpa.

Deinde prosequuntur:
Ideo precor beátam Maríam semper Vírginem,
omnes Angelos et Sanctos,
et vos, fratres, oráre pro me
ad Dóminum Deum nostrum.

Sequitur absolutio sacerdotis:
Misereátur nostri omnípotens Deus
et, dimissís peccátis nostris,
perdúcat nos ad vitam aetérnam.

Populus respondet:
Amen.

Vel:
5. Sacerdos fideles invitat ad actum paenitentialem:
Fratres, agnoscámus peccáta nostra,
ut apti simus ad sacra mystéria celebránda.

Fit brevis pausa silentii.
Postea sacerdos dicit:
Miserére nostri, Dómine.

Populus respondet:
Quia peccávimus tibi.

Sacerdos:
Osténde nobis, Dómine, misericórdiam tuam.

Populus:
Et salutáre tuum da nobis.

Sequitur absolutio sacerdotis:
Misereátur nostri oninípotens Deus
et, dimíssis peceátis nostris,
perdúcat nos ad vitam aetérnam.

Populus respondet:
Amen.

Vel:

6. Sacerdos fideles invitat ad actum paenitentialem:
Fratres, agnoscámus peccáta nostra,
ut apti simus ad sacra mystéria celebránda.

Fit brevis pausa silentii.
Postea sacerdos, vel diaconus vel alius minister, sequentes, vel alias, invocationes cum Kýrie, eléison profert:
Qui missus es sanáre contrítos corde: Kýrie, eléison.

Populus respondet:
Kýrie, eléison.

Sacerdos:
Qui peccatóres vocáre venísti: Christe, eléison.

Populus:
Christe, eléison.

Sacerdos:
Qui ad déxteram Patris sedes, ad interpellándum pro nobis:
Kýrie, eléison.

Populus:
Kýrie, eléison.

Sequitur absolutio sacerdotis:
Misereátur nostri omnípotens Deus
et, dimíssis peccátis nostris,
perdúcat nos ad vitam aetérnam.

Populus respondet:
Amen.

7. Sequuntur invocationes Kýrie, eléison, nisi iam praecesserint in aliqua formula actus paenitentialis.
V. Kýrie, eléison.            R. Kýrie, eléison.
V. Christe, eléison.          R. Christe, eléison.
V. Kýrie, eléison.            R. Kýrie, eléison.
Aliae melodiae in Graduali romano inveniuntur.

8. Deinde, quando praescribitur; cantatur vel dicitur hymnus:
Toni integri in Graduali romano inveniuntur.
Glória in excélsis Deo
et in terra pax homínibus bonae voluntátis.
Laudámus te,
benedícimus te,
adorámus te,
glorificámus te,
grátias ágimus tibi propter magnam glóriam tuam,
Dómine Deus, Rex caeléstis,
Deus Pater omnípotens.
Dómine Fili Unigénite, Iesu Christe,
Dómine Deus, Agnus Dei, Fílius Patris,
qui tollis peccáta mundi, miserére nobis;
qui tollis peccáta mundi, súscipe deprecatiónem nostram.
Qui sedes ad déxteram Patris, miserére nobis.
Quóniam tu solus Sanctus, tu solus Dóminus,
tu solus Altíssimus,
Iesu Christe, cum Sancto Spíritu: in glória Dei Patris.
Amen.

9. Quo hymno expleto, sacerdos, manibus iunctis, dicit:
Orémus.

Et omnes una cum sacerdotem per aliquod temporis spatium in silentio orant.
Tunc sacerdos, manibus extensis, dicit orationem collectam, qua expleta, populus acclamat:
Amen.

Liturgia verbi

10. Deinde lector ad ambonem pergit, et legit primam lectionem, quam onmes sedentes auscultant. Ad finem lectionis significandam, lector acclamat:
Verbum Dómini.

Omnes respondent:
Deo grátias.

11. Psalmista, seu cantor, psalmum cantat vel dicit, populo responsum proferente.

12. Postea, si habenda sit secunda lectio, lector eam ex ambone legit, ut supra. Ad finem lectionis significandam, lector acclamat:
Verbum Dómini.

Omnes respondent:
Deo grátias.

13. Sequitur Allelúia, vel alter cantus a rubricis statutus, prouti tempus liturgicum postulat.

14. Interim sacerdos incensum, si adhibetur, imponit. Postea diaconus, Evangelium prolaturus, ante sacerdotem profunde inclinatus, benedictionem petit, submissa voce dicens:
Iube, domne, benedícere.

Sacerdos submissa voce dicit:
Dóminus sit in corde tuo et in lábiis tuis:
ut digne et competénter annúnties Evangélium suum:
in nómine Patris, et Fílii, + et Spíritus Sancti.

Diaconus signat se signo crucis et respondet:
Amen.

Si vero non adest diaconus, sacerdos ante altare inclinatus secreto dicit:
Munda cor meum ac lábia mea, omnípotens Deus,
ut sanctum Evangélium tuum digne váleam nuntiáre.

15. Postea diaconus, vel sacerdos, ad ambonem pergit, ministris pro opportunitate cum incenso et cereis eum comitantibus, et dicit:
Dóminus vobíscum.

Populus respondet:
Et cum spíritu tuo.

Diaconus, vel sacerdos:
Léctio sancti Evangélii secúndum N.,

et interim signat librum el seipsum in fronte, ore et pectore.

Populus acclamat:
Glória tibi, Dómine.

Deinde diaconus, ve1 sacerdos, librum, si incensum adhibetur, thurificat, et Evangelium proclainat.

16. Expleto Evangelio, diaconus, vel sacerdos acclamat:
Verbum Dómini.

Omnes respondent:
Laus tibi, Christe.

Deinde librum osculatur dicens secreto:
Per evangélica dicta deleántur nostra delícta.

17. Deinde fit homilia, quae a sacerdote vel diacono habenda est omnibus diebus dominicis et festis de praecepto; aliis diebus commendatur.

18. Homilia expleta, cantatur vel dicitur, quando praescribitur, symbolum seu professio fidei:
Credo in unum Deum,
Patrem omnipoténtem,
factórem caeli et terrae,
visibílium ómnium et invisibílium.
Et in unum Dóminum Iesum Christum,
Fílium Dei Unigénitum,
et ex Patre natum ante ómnia saecula.
Deum de Deo, lumen de lúmine, Deum verum de Deo vero,
génitum, non factum, consubstantiálem Patri:
per quem ómnia facta sunt.
Qui propter nos hómines et propter nostram salútem
descéndit de caelis.

Ad verba quae sequuntur, usque ad factus est, omnes se inclinant.

Et incarnátus est de Spíritu Sancto
ex María Vírgine, et homo factus est.
Crucifíxus étiam pro nobis sub Póntio Piláto;
passus et sepúltus est,
et resurréxit tértia die, secúndum Scriptúras,
et ascéndit in caelum, sedet ad déxteram Patris.
Et íterum ventúrus est cum glória,
iudicáre vivos et mórtuos,
cuius regni non erit finis.
Et in Spíritum Sanctum, Dóminum et vivificántem:
qui ex Patre Filióque procédit.
Qui cum Patre et Fílio simul adorátur et conglorificátur:
qui locútus est per prophétas.

Et unam, sanctam, cathólicam et apostólicam Ecclésiam.
Connfíteor unum baptísima in remissiónem peccatórum.
Et exspécto resurrectiónem mortuórum,
et vitam ventúri saeculi. Amen.

19. Loco symboli nicaeno-constantinopolitani, praesertim tempore Quadragesimae et tempore paschali, adhiberi potest symbolum baptismale Ecclesiae Romanae sic dictum Apostolorum.
Credo in unum Deum
Patrem omnipoténtem, Creatórem caeli et terrae,
et in Iesum Christum, Fílium eius únicum,
Dóminum nostrum,

Ad verba quae sequuntur, usque ad María Vírgine, omnes se inclinant.
qui concéptus est de Spíritu Sancto,
natus ex María Vírgine,
passus sub Póntio Piláto,
crucifíxus, mórtuus, et sepúltus,
descéndit ad ínferos,
tértia die resurréxit a mórtuis,
ascéndit ad caelos,
sedet ad déxteram Dei Patris ominipoténtis,
inde ventúrus est iudicáre vivos et mórtuos.
Credo in Spíritum Sanctum,
sanctam Ecclésiam cathólicam,
sanctórum communiónem,
carnis resurrectiónem,
vitam aetérnam. Amen.

20. Deinde fit oratio universalis, seu oratio fidelium.

Liturgia eucharistica

21. His absolutis, incipit cantus ad offertorium. Interim ministri corporale, purificatorium, calicem, pallam et missale super altare collocant.

22. Expedit ut fideles participationem suam oblatione manifestent, afferendo sive panem et vinum ad Eucharistiae celebrationem, sive alia dona quibus ecessitatibus Ecclesiae et pauperum subveniatur.

23. Sacerdos, stans ad altare, accipit patenam cum pane, eamque ambabus manibus aliquantulum elevatam super altare tenet, submissa voce dicens:
Benedíctus es, Dómine, Deus univérsi,
quia de tua largitáte accépimus panem,
quem tibi offérimus,
fructum terrae et óperis mánuum hóminum:
ex quo nobis fiet panis vitae.

Deinde deponit patenam cum pane super corporale.
Si vero cantus ad offertorium non peragitur, sacerdoti licet haec verba elata voce proferre; in fine populus acclamare potest:
Benedíctus Deus in saecula.

24. Diaconus, vel sacerdos, infundit vinum et parum aquae in calicem, dicens secreto:
Per huius aquae et vini mystérium
eius effciámur divinitátis consórtes,
qui humanitátis nostrae fíeri dignátus est párticeps.

25. Postea sacerdos accipit calicem, eumque ambabus manibus aliquantulum elevatum super altare tenet, submissa voce dicens:
Benedíctus es, Dómine, Deus univérsi,
quia de tua largitáte accépimus vinum,
quod tibi offérimus,
fructum vitis et óperis mánuum hóminum,
ex quo nobis fiet potus spiritális.

Deinde calicem super corporale deponit.
Si vero cantus ad offertorium non peragitur, sacerdoti licet haec verba elata voce proferre; in fine populus acclamare potest:
Benedíctus Deus in saecula.

26. Postea sacerdos, profunde inclinatus, dicit secreto:
In spíritu humilitátis et in ánimo contríto
suscipiámur a te, Dómine;
et sic fiat sacrifícium nostrum in conspéctu tuo hódie,
ut pláceat tibi, Dómine Deus.

27. Et, pro opportunitate, incensat oblata, crucem et altare. Postea vero diaconus vel alius minister incensat sacerdotem et populum.

28. Deinde sacerdos, stans ad latus altaris, lavat manus, dicens secreto:
Lava me, Dómine, ab iniquitáte mea,
et a peccáto meo munda me.

29. Stans postea in medio altaris, versus ad populum, extendens et iungens manus, dicit:
Oráte, fratres:
ut meum ac vestrum sacrifícium
acceptábile fiat apud Deum Patrem omnipoténtem.

Populus surgit et respondet:
Suscípiat Dóminus sacrifícium de mánibus tuis
ad laudem et glóriam nóminus sui,
ad utilitátem quoque nostram
totiúsque Ecclésiae suae sanctae.

30. Deinde sacerdos, manibus extensis, dicit orationem super oblata; qua conclusa, populus acclamat:
Amen.

PREX EUCHARISTICA

31. Tunc sacerdos incipit Precem eucharisticam.

Manus extendens, dicit:
Dóminus vobíscum.

Populus respondet:
Et cum spíritu tuo.

Sacerdos, manus elevans, prosequitur:
Sursum corda.

Populus:
Habémus ad Dóminum.

Sacerdos, manibus extensis, subdit:
Grátias agámus Dómino Deo nostro.

Populus:
Dignum et iustum est.

Sacerdos prosequitur praefationem, manibus extensis.
In fine autem praefationis iungit manus et, una cum populo, ipsam praefationem
concludit, cantans vel clara voce dicens:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO I DE ADVENTU

DE DUOBUS ADVENTIBUS CHRISTI

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
per Christum Dóminum nostrum.
Qui, primo advéntu in humilitáte carnis assúmptae,
dispositiónis antíquae munus implévit,
nobísque salútis perpétuae trámitem reserávit:
ut, cum secúndo vénerit in suae glória maiestátis,
manifésto demum múnere capiámus,
quod vigilántes nunc audémus exspectáre promíssum.
El ídeo cum Angelis et Archángelis,
cum Thronis et Dominatiónibus,
cumque omni milítia caeléstis exércitus,
hymnum glóriae tuae cánimus,
sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO I DE NATIVITATE DOMINI

DE CHRISTO LUCE

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
Quia per incarnáti Verbi mystérium
nova mentis nostrae óculis lux tuae claritátis infúlsit:
ut, dum visibíliter Deum cognóscimus,
per hunc in invisibílium amórem rapiámur.
Et ídeo cum Angelis et Archángelis,
cum Thronis et Dominatiónibus,
cumque omni milítia caeléstis exércitus,
hymnum glóriae tuae cánimus, sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO DE EPIPHANIA DOMINI

DE CHRISTO LUMINE GENTIUM

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
Quia ipsum in Christo salútis nostrae mystérium
hódíe ad lumen géntium revelásti,
et, cum in substántia nostrae mortalitátis appáruit,
nova nos immortalitátis eius glória reparásti.
Et ídeo cum Angelis et Archángelis,
cum Thronis et Dominatiónibus,
cumque omni milítia caeléstis exércitus,
hymnum glóriae tuae cánimus,
sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO I DE QUADRAGESIMA

DE SPIRITALI SIGNIFICATIONE QUADRAGESIMAE

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
per Christum Dóminum nostrum.
Quia fidélibus tuis dignánter concédis
quotánnis paschália sacraménta
in gáudio purificátis méntibus exspectáre:
ut, pietátis officia et ópera caritátis propénsius exsequéntes,
frequentatióne mysteriórum, quibus renáti sunt,
ad grátiae filiórum plenitúdinem perducántur.
Et ídeo cum Angelis et Archángelis,
cum Thronis et Dominatiónibus,
cumque omni milítia caeléstis exércitus,
hymnum glóriae tuae cánimus,
sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO I DE PASSIONE DOMINI

DE VIRTUTE CRUCIS

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
Quia per Fílii tui salutíferam passiónem
sensum confiténdae tuae maiestátis totus mundus accépit,
dum ineffábili crucis poténtia
iudícium mundi et potéstas émicat Crucifíxi.
Unde et nos, Dómine, cum Angelis et Sanctis univérsis,
tibi confitémur, in exsultatióne dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO PASCHALIS I

DE MYSTERIO PASCHALI

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre:
Te quidem, Dómine, omni témpore confitéri,
sed in hac potíssimum nocte (die) gloriósius praedicáre,
(sed in hoc potíssimum gloriósus praedicáre,)
cum Pascha nostrum immolátus est Christus.
Ipse enim verus est Agnus
qui ábstulit peccáta mundi.
Qui mortem nostram moriéndo destrúxit,
et vitam resurgéndo reparávit.
Quaprópter, profúsis paschálibus gáudiis,
totus in orbe terrárum mundus exsúltat.
Sed et supérnae virtútes atque angélicae potestátes
hymnum glóriae tuae cóncinunt, sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO PASCHALIS III

DE CHRISTO VIVENTE ET SEMPER INTERPELLANTE PRO NOBIS

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre:
Te quidem, Dómine, omni témpore confitéri,
sed in hoc potíssimum gloriósius praedicáre,
cum Pascha nostrum immolátus est Christus.
Qui se pro nobis offérre non désinit,
nosque apud te perénni advocatióne deféndit;
qui immolátus iam non móritur,
sed semper vivit occísus.
Quaprópter, profúsis paschálibus gáudiis,
totus in orbe terrárum mundus exsúltat.
Sed et supérnae virtútes atque angélicae potestátes
hymnum glóriae tuae cóncinunt, sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO I DE DOMINICIS "PER ANNUM "

DE MYSTERIO PASCHALI ET DE POPULO DEI

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
per Christum Dóminum nostrum.
Cuius hoc miríficum fuit opus per paschále mystérium,
ut de peccáto et mortis iugo ad hanc glóriam vocarémur,
qua nunc genus eléctum, regále sacerdótium,
gens sancta et acquisitiónis pópulus dicerémur,
et tuas annuntiarémus ubíque virtútes,
qui nos de ténebris ad tuum admirábile lumen vocásti.
Et ídeo cum Angelis et Archángelis,
cum Thronis et Dominatiónibus,
cumque omni milítia caeléstis exércitus,
hymnum glóriae tuae cánimus,
sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO VIII DE DOMINICIS " PER ANNUM "

DE ECCLESIA ADUNATA EX UNITATE TRINITATIS

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
Quia fílios, quos longe peccáti crimen abstúlerat,
per sánguinem Fílii tui Spiritúsque virtúte,
in unum ad te dénuo congregáre voluísti:
ut plebs, de unitáte Trinitátis adunáta,
in tuae laudem sapiéntiae multifórmis
Christi corpus templúmque Spíritus noscerétur Ecclésia.
Et ídeo, choris angélicis sociáti,
te laudámus in gáudio confiténtes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO I DE SS.MA EUCHARISTIA

DE SACRIFICIO ET DE SACRAMENTO CHRISTI

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
per Christum Dóminum nostrum.
Qui, veras aeternúsque Sacérdos,
formam sacrifícii perénnis instítuens,
hóstiam tibi se primus óbtulit salutárem,
et nos, in sui memóriam, praecépit offérre.
Cuius carnem pro nobis immolátam
dum súmimus, roborámur,
et fusum pro nobis sánguinem dum potámus, ablúimur.
Et ídeo cum Angelis et Archángelis,
cum Thronis et Dominatiónibus,
cumque omni milítia caeléstis exércitus,
hymnum glóriae tuae cánimus, sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO I DE BEATA MARIA VIRGINE

DE MATERNITATE BEATAE MARIAE VIRGINIS

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
Et te in ... beátae Maríae semper Vírginis collaudáre,
benedícere et praedicáre.
Quae et Unigénitum tuum
Sancti Spíritus obumbratióne concépit,
et, virginitátis glória permanénte,
lumen aetérnum mundo effúdit,
Iesum Christum Dóminum nostrum.
Per quem maiestátem tuam laudant Angeli,
adórant Dominatiónes, tremunt Potestátes.
Caeli caelorúmque Virtútes, ac beáta Séraphim,
sócia exsultatióne concélebrant.
Cum quibus et nostras voces
ut admítti iúbeas, deprecámur,
súpplici confessióne dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO I DE SANCTIS

DE GLORIA SANCTORUM

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
Qui in Sanctórum concílio celebráris,
et eórum coronándo mérita tua dona corónas.
Qui nobis eórum conversatióne largíris exémplum,
et communióne consórtium, et intercessióne subsídium;
ut, tantis téstibus confirmáti,
ad propósitum certámen currámus invícti
et immarcescíbilem cum eis corónam glóriae consequámur,
per Christum Dóminum nostrum.
Et ídeo cum Angelis et Archángelis,
cumque multíplici congregatióne Sanctórum,
hymnum laudis tibi cánimus, sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO COMMUNIS V

PROCLAMATIO MYSTERII CHRISTI

V.Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
per Christum Dóminum nostrum.
Cuius mortem in caritáte celebrámus,
resurrectiónem fide vívida confitémur,
advéntum in glória spe firmíssima praestolámur.
Et ídeo, cum Sanctis et Angelis univérsis,
te collaudámus, sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRAEFATIO I DE DEFUNCTIS

DE SPE RESURRECTIONIS IN CHRISTO

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Vere dignum et iustum est, aequum et salutáre,
nos tibi semper et ubíque grátias ágere:
Dómine, sancte Pater, omnípotens aetérne Deus:
per Christum Dóminum nostrum.
In quo nobis spes beátae resurrectiónis effúlsit,
ut, quos contrístat certa moriéndi condício,
eósdem consolétur futúrae immortalitátis promíssio.
Tuis enim fidélibus, Dómine, vita mutátur, non tóllitur,
et, dissolúta terréstris huius incolátus domo,
aetérna in caelis habitátio comparátur.
Et ídeo cum Angelis et Archángelis,
cum Thronis et Dominatiónibus,
cumque omni milítia caeléstis exércitus
hymnum glóriae tuae cánimus,
sine fine dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

PRECES EUCHARISTICA

PREX EUCHARISTICA I
seu CANON ROMANUS

83.    V. Dóminus vobíscum.
         R. Et cum spíritu tuo.

         V. Sursum torda.
         R. Habémus ad Dóminum.

         V. Grátias agámus Dómino Deo nostro.
         R. Dignum et iustum est.

Sequitur Praefatio iuxta rubricas proferenda, quae concluditur:

Sanctus, Sanctus, Sanctus Dóminus Deus Sabaóth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

84. Sacerdos, manibus extensis, dicit:
CP
Te ígitur, clementíssime Pater,
per Iesum Christum, Fílium tuum,
Dóminum nostrum,
súpplices rogámus ac pétimus,

iungit manus et dicit:

uti accépta hábeas

signat semel super panem et calicem simul, dicens:

et benedícas + haec dona, haec múnera,
haec sancta sacrifícia illibáta,

extensis manibus prosequitur:

in primis, quae tibi offérimus
pro Ecclésia tua santa cathólica:
quam pacificáre, custodíre, adunáre
et régere dignéris toto orbe terrárum:
una cum fámulo tuo Papa nostro N.
et Antístite nostro N, ²
et ómnibus orthodóxis atque cathólicae
et apostólicae fidei cultóribus.

85. Commemoratio pro vivis.
C1
Meménto, Dómine,
famulórum famularúmque tuárum N. et N.

Iungit manus et orat aliquantuium pro quibus orare intendit.
Deinde, manibus extensis, prosequitur:

et ómnium circumstántium,
quorum tibi fides cógnita est et nota devótio,
pro quibus tibi offérimus:
vel qui tibi ófferunt hoc sacrificium laudis,
pro se suísque ómnibus:
pro redemptióne animárum suárum,
pro spe salútis et incolumitátis suae:
tibíque reddunt vota sua
aetérno Deo, vivo et vero.

86. Infra Actionem.
C2
Communicántes,
et memóriam venerántes,
in primis gloriósae semper Vírginis Maríae,
Genetrícis Dei et Dómini nostri Iesu Christi:
sed et beáti Ioseph, eiúsdem Vírginis Sponsi,
et beatórum Apostolórum ac Mártyrum tuórum,
Petri et Pauli, Andréae,
(Iacóbi, Ioánnis,
Thomae, Iacóbi, Philíppi,
Bartholomaei, Matthaei,
Simónis et Thaddaei:
Lini, Cleti, Cleméntis, Xysti,
Cornélii, Cypriáni,
Lauréntii, Chrysógoni,
Ioánnis et Pauli,
Cosmae et Damiáni)
et ómnium Sanctórum tuórum;
quorum méritis precibúsque concédas,
ut in ómnibus protectiónis tuae muniámur auxílio.
(Per Christum Dóminum nostrum. Amen.)

87. Manibus extensis, prosequitur:
CP
Hanc ígitur oblatiónem servitútis nostrae,
sed et cunctae famíliae tuae,
quaesumus, Dómine, ut placátus accípias:
diésque nostros in tua pace dispónas,
atque ab aetérna damnatióne nos éripi
et in electórum tuórum iúbeas grege numerári.

Iungit manus.
(Per Christum Dóminum nostrum. Amen.)

88. Tenens manus expansas super oblata, dicit:
CC
Quam oblatiónem tu, Deus, in ómnibus, quaesumus,
benedíctam, adscríptam, ratam,
rationábilem, acceptabilémque fácere dignéris:
ut nobis Corpus et Sanguis fiat dilectíssimi Fílii tui,
Dómini nostri Iesu Christi.

Iungit manus.

89. In formulis quae sequuntur, verba Domini proferantur distincte et aperte, prouti natura eorundem verborum requirit.
Qui, prídie quam paterétur,

accipit panem,
eumque parum elevatum super altare tenens,
prosequitur:
accépit panem in sanctas ac venerábiles manus suas,

elevat, oculos,
et elevátis óculis in caelum
ad te Deum Patrem suum omnipoténtem,
tibi grátias agens benedíxit,
fregit,
dedítque discípulis suis, dicens:

parum se inclinat
Accípite et manducáte ex hoc omnes:
hoc est enim Corpus meum,
quod pro vobis tradétur.

Hostiam consecratam ostendit populo, reponit super patenam, et genuflexus adorat.

90. Postea prosequitur:
Símili modo, postquam cenátum est,

accipit calicem,
eumque parum elevatum super altare tenens,
prosequitur:

accípiens et hunc praeclárum cálicem
in sanctas ac venerábiles manus suas,
item tibi grátias agens benedíxit,
dedítque discípulis suis, dicens:

parum se inclinat
Accípite et bíbite ex eo omnes:
hic est enim calix Sánguinis mei
novi et aetérni testaménti,
qui pro vobis et pro multis effundétur
in remissiónem peccatórum.
Hoc fácite in meam commemoratiónem.

Calicem ostendit populo, deponit super corporale, et genuflexus adorat.

91. Deinde dicit:
CP
Mystérium fídei.

Et populus prosequitur, acclamans:
Mortem tuam annuntiámus, Dómine,
et tuam resurrectiónem confitémur, donec vénias.

Vel:
Quotiescúmque manducámus panem hunc
et cálicem bíbimus,
mortem tuam annuntiámus, Dómine, donec vénias.

Vel:
Salvátor mundi, salva nos,
qui per crucem et resurrectiónem tuam liberásti nos.

92. Deinde sacerdos, extensis manibus, dicit:
CC
Unde et mémores, Dómine,
nos servi tui,
sed et plebs tua sancta,
eiúsdem Christi, Fílii tui, Dómini nostri,
tam beátae passiónis,
necnon et ab ínferis resurrectiónis,
sed et in caelos gloriósae ascensiónis:
offérimus praeclárae maiestáti tuae
de tuis donis ac datis
hóstiam puram,
hóstiam sanctam,
hóstiam immaculátam,
Panem sanctum vitae aetérnae
et Cálicem salútis perpétuae.

93.
Supra quae propítio ac seréno vultu
respícere dignéris:
et accépta habére,
sícuti accépta habére dignátus es
múnera púeri tui iusti Abel,
et sacrifícium Patriárchae nostri Abrahae,
et quod tibi óbtulit summus sacérdos tuus Melchísedech,
sanctum sacrifícium, immaculátam hóstiam.

94. Inclinatus,. iunctis manibus, prosequitur:

Súpplices te rogámus, omnípotens Deus:
iube haec perférri per manus sancti Angeli tui
in sublíme altáre tuum,
in conspéctu divínae maiestátis tuae;
ut, quotquot ex hac altáris participatióne
sacrosánctum Fílii tui Corpus et Sánguinem
sumpsérimus,

erigit se atque seipsum signat, dicens:
omni benedictióne caelésti et grátia repleámur.

Iungit manus.
(Per Christum Dóminum nostrum. Amen.)

95. Commemoratio pro defunctis
manibus extensis, dicit:
C3
Meménto étiam, Dómine,
famulórum famularúmque tuárum N. et N.,
qui nos praecessérunt cum signo fidei,
et dórmiunt in somno pacis.

Iungit manus et orat aliquantulum pro iis defunctis, pro quibus orare intendit.
Deinde, extensis manibus, prosequitur:

Ipsis, Dómine, et ómnibus in Christo quiescéntibus,
locum refrigérii, lucis et pacis,
ut indúlgeas, deprecámur.

Iungit manus.
(Per Christum Dóminum nostrum. Amen.)

96. Manu dextera percutit sibi pectus, dicens:
C4
Nobis quoque peccatóribus fámulis tuis,

et extensis manibus prosequitur:

de multitúdine miseratiónum tuárum sperántibus,
partem áliquam et societátem donáre dignéris
cum tuis sanctis Apóstolis et Martýribus:
cum Ioánne, Stéphano,
Matthía, Bárnaba,
(Ignátio, Alexándro,
Marcellíno, Petro,
Felicitáte, Perpétua,
Agatha, Lúcia,
Agnéte, Caecília, Anastásia)
et ómnibus Sanctis tuis:
intra quorum nos consórtium,
non aestimátor mériti,
sed véniae, quaesumus, largítor admítte.

Iungit manus.

Per Christum Dóminum nostrum.

97. Et prosequitur:

Per quem haec ómnia, Dómine,
semper bona creas, sanctíficas, vivíficas, benedícis,
et praestas nobis.

98. Accipit patenam cum hostia et calicem, et utrumque elevans, dicit:
CP
vel
CC
Per ipsum, et cum ipso, et in ipso,
est tibi Deo Patri omnipoténti,
in unitáte Spíritus Sancti,
omnis honor et glória
per ómnia saecula saeculórum.

Populus acclamat:

Amen.

Deinde sequitar ritus communionis.

PREX EUCHARISTICA II

99. Quamvis praefatione propria instructa sit, Prex eucharistica haec adhiberi potest etiam cum aliis praefationibus, cum iis praesertim quae mysterium salutis compendiose repraesentant, v. gr. cum praefationibus communibus.

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

CP
Vere dignum et iustum est, aequum et salutáre,
nos tibi, sancte Pater,
semper et ubíque grátias ágere
per Fílium dilectiónis tuae Iesum Christum,
Verbum tuum per quod cuneta fecísti:
quem misísti nobis Salvatórem et Redemptórem,
incarnátum de Spíritu Sancto et ex Vírgine natum.

Qui voluntátem tuam adímplens
et pópulum tibi sanctum acquírens
exténdit manus cum paterétur,
ut mortem sólveret et resurrectiónem manifestáret.

Et ídeo cum Angelis et ómnibus Sanctis
glóriam tuam praedicámus, una voce dicéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

100. Sacerdos, manibus extensis, dicit:
CP
Vere Sanctus es, Dómine, fons omnis sanctitátis.

101. Iungit manus, easque expansas super oblata tenens, dicit:
CC
Haec ergo dona, quaesumus,
Spíritus tui rore sanctífica,

iungit manus
et signat semel super panem et calicem simul, dicens:

ut nobis Corpus et + Sanguis fiant
Dómini nostri Iesu Christi.

Iungit manus.

102. In formulis quae sequuntur, verba Domini proferantur distincte et aperte, prouti natura eorundem verborum requirit.

Qui cum Passióni voluntárie traderétur,

accipit panem,
eumque parum elevatum super altare tenens, prosequitur:

accépit panem et grátias agens fregit,
dedítque discípulis suis, dicens:

parum se inclinat

Accípite et manducáte ex hoc omnes:
hoc est enim Corpus meum,
quod pro vobis tradétur.

Hostiam consecratam ostendit populo, reponit super patenam, et genuflexus adorat.

103. Postea prosequitur:
Símili modo, postquam cenátum est,

accipit calicem,
eumque parum elevatum super altare tenens, prosequitur:
accípiens et cálicem
íterum tibi grátias agens dedit discípulis suis, dicens:

parum se inclinat

Accípite et bíbite ex eo omnes:
hic est enim calix Sánguinis mei
novi et aetérni testaménti,
qui pro vobis et pro multis effundétur
in remissiónem peccatórum.
Hoc fácite in meam commemoratiónem.

Calicem ostendit populo, deponit super corporale, et genuflexus adorat.

104. Deinde dicit:
CP
Mystérium fídei.

Et populus prosequitur, acclamans:

Mortem tuam annuntiámus, Dómine,
et tuam resurrectiónem confitémur, donec vénias.

105. Deinde sacerdos, extensis manibus, dicit:
CC
Mémores ígitur mortis et resurrectiónis eius,
tibi, Dómine, panem vitae
et cálicem salútis offérimus,
grátias agéntes quia nos dignos habuísti
astáre coram te et tibi ministráre.

Et súpplices deprecámur
ut Córporis et Sánguinis Christi partícipes
a Spíritu Sancto congregémur in unum.

C1
Recordáre, Dómine, Ecclésiae tuae toto orbe diffúsae,
ut eam in caritáte perfícias
una cum Papa nostro N. et Epíscopo nostro N.²
et univérso clero.

In Missis pro defunctis addi potest:
Meménto fámuli tui (fámulae tuae) N.,
quem (quam) (hódie) ad te ex hoc mundo vocásti.
Concéde, ut, qui (quae) complantátus (complantáta) fuit
similitúdini mortis Fílii tui,
simul fiat et resurrectiónis ipsíus.

C2
Meménto étiam fratrum nostrórum,
qui in spe resurrectiónis dormiérunt,
omniúmque in tua miseratióne defunctórum,
et eos in lumen vultus tui admítte.
Omnium nostrum, quaesumus, miserére,
ut cum beáta Dei Genetríce Vírgine María,
beátis Apóstolis et ómnibus Sanctis,
qui tibi a saeculo placuérunt,
aetérnae vitae mereámur esse consórtes,
et te laudémus et glorificémus

iungit manus
per Fílium tuum Iesum Christum.

106. Accipit patenam cum hostia et calicem, et utrumque elevans, dicit:
CP
vel
CC
Per ipsum, et cum ipso, et in ipso,
est tibi Deo Patri omnipoténti,
in unitáte Spíritus Sancti,
omnis honor et glória
per ómnia saecula saeculórum.

Populus acclamat:
Amen.

Deinde sequitur ritus Communionis.

PREX EUCHARISTICA III

107.
V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

Sequitur Praefatio iuxta rubricas proferenda, quae concluditur:

Sanctus, Sanctus, Sanctus Dóminus Deus Sabaóth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

108. Sacerdos, manibus extensis, dicit:
CP
Vere Sanctus es, Dómine,
et mérito te laudat omnis a te cóndita creatúra,
quia per Fílium tuum,
Dóminum nostrum Iesum Christum,
Spíritus Sancti operánte virtúte,
vivíficas et sanctíficas univérsa,
et pópulum tibi congregáre non désinis,
ut a solis ortu usque ad occásum
oblátio munda offerátur nómini tuo.

109. Iungitmanus, easque expansas super oblata tenens, dicit:
CC
Súpplices ergo te, Dómine, deprecámur,
ut haec múnera, quae tibi sacránda detúlimus,
eódem Spíritu sanctificáre dignéris,

iungit manus
et signat semel super panem et calicem simul, dicens:

ut Corpus et + Sanguis fiant
Fílii tui Dómini nostri Iesu Christi,

iungit manus
cuius mandáto haec mystéria celebrámus.

110. In formulis quae sequuntur, verba Domini proferantur distincte et aperte, prouti natura eorundem verborum requirit:

Ipse enim in qua nocte tradebátur

accipit panem
eumque parum elevatum super altare tenens, prosequitur:

accépit panem
et tibi grátias agens benedíxit,
fregit, dedítque discípulis suis, dicens:

parum se inclinat

Accípite et manducáte ex hoc omnes:
hoc est enim Corpus meum,
quod pro vobis tradétur.

Hostiam consecratam ostendit populo, reponit super patenam, et genuflexus adorat.

111. Postea prosequitur:
Símili modo, postquam cenátum est,

accipit calicem,
eumque parum elevatum super altare tenens, prosequitur:

accípiens cálicem,
et tibi grátias agens benedíxit,
dedítque discípulis suis, dicens:

parum se inclinat

Accípite et bíbite ex eo omnes:
hic est enim calix Sánguinis mei
novi et aetérni testaménti,
qui pro vobis et pro multis effundétur
in remissiónem peccatórum.
Hoc fácite in meam commemoratiónem.

Calicem ostendit populo, deponit super corporale, et genuflexus adorat.

112. Deinde dicit:
CP
Mystérium fídei.

Et populus prosequitur, acclamans:

Mortem tuam annuntiámus, Dómine,
et tuam resurrectiónem confitémur, donec vénias.

113. Deinde sacerdos, extensis manibus, dicit:
CC
Mémores ígitur, Dómine,
eiúsdem Fílii tui salutíferae passiónis
necnon mirábilis resurrectiónis
et ascensiónis in caelum,
sed et praestolántes álterum eius advéntum,
offérimus tibi, grátias referéntes,
hoc sacrifícium vivum et sanctum.

Réspice, quaesumus, in oblatiónem Ecclésiae tuae
et, agnóscens Hóstiam,
cuius voluísti immolatióne placári,
concéde, ut qui Córpore et Sánguine Fílii tui reficimur,
Spíritu eius Sancto repléti,
unum corpus et unus spíritus inveniámur in Christo.

C1
Ipse nos tibi perfíciat munus aetérnum,
ut cum eléctis tuis hereditátem cónsequi valeámus,
in primis cum beatíssima Vírgine, Dei Genetríce, María,
cum beátis Apóstolis tuis et gloriósis Martyribus
(cum Sancto N.: Sancto diei vel patrono)
et ómnibus Sanctis,
quorum intercessióne
perpétuo apud te confídimus adiuvári.

C2
Haec Hóstia nostrae reconciliatiónis profíciat,
quaésumus, Dómine,
ad totíus mundi pacem atque salútem.
Ecclésiam tuam, peregrinántem in terra,
in fide et caritáte firmáre dignéris
cum fámulo tuo Papa nostro N. et Epíscopo nostro N.²,
cum episcopáli órdine et univérso clero
et omni pópulo acquisitiónis tuae.

Votis huius famíliae, quam tibi astáre voluísti,
adésto propítius.
Omnes filios tuos ubíque dispérsos
tibi, clemens Pater, miserátus coniúnge.

+ Fratres nostros defúnctos
et omnes qui, tibi placéntes, ex hoc saeculo transiérunt,
in regnum tuum benígnus admítte,
ubi fore sperámus,
ut simul glória tua perénniter satiémur,

iungit manus
per Christum Dóminum nostrum,
per quem mundo bona cuncta largíris. +

114. Accipit patenam cum hostia et calicem, et utrumque elevans, dicit:
CP
vel
CC
Per ipsum, et cum ipso, et in ipso,
est tibi Deo Patri omnipoténti,
in unitáte Spíritus Sancti,
omnis honor et glória
per ómnia saecula saeculórum.

Populus acclamat:
Amen.

Deinde sequitur ritus Communionis.

115. Quando haec Prex eucharistica in Missis pro defunctis adhibetur, dici potest:

+ Meménto fámuli tui (fámulae tuae) N.,
quem (quam) (hódie) ad te ex hoc mundo vocásti.
Concéde, ut, qui (quae) complantátus(complantáta)
fuit similitúdini mortis Fílii tui,
simul fiat et resurrectiónis ipsíus,
quando mórtuos suscitábit in carne de terra
et corpus humilitátis nostrae
configurábit córpori claritátis suae.
Sed et fratres nostros defúnctos,
et omnes qui, tibi placéntes, ex hoc saeculo transiérunt,
in regnum tuum benígnus admítte,
ubi fore sperámus,
ut simul glória tua perénniter satiémur,
quando omnem lácrimam abstérges ab óculis nostris,
quia te, sícuti es, Deum nostrum vidéntes,
tibi símiles érimus cuncta per saecula,
et te sine fine laudábimus,

iungit manus
per Christum Dóminum nostrum,
per quem mundo bona cuncta largíris. +

PREX EUCHARISTICA IV

116. Praefatio huius Precis eucharisticae mutare non licet ratione structurae ipsius Precis, quae summarium historiae salutis praebet.

V. Dóminus vobíscum.
R. Et cum spíritu tuo.

V. Sursum corda.
R. Habémus ad Dóminum.

V. Grátias agámus Dómino Deo nostro.
R. Dignum et iustum est.

CP
Vere dignum est tibi grátias ágere,
vere iustum est te glorificáre, Pater sancte,
quia unus es Deus vivus et verus,
qui es ante saecula et pérmanes in aetérnum,
inaccessíbilem lucem inhábitans;
sed et qui unus bonus atque fons vitae cuncta fecísti,
ut creatúras tuas benedictiónibus adimpléres
multásque laetificáres tui lúminis claritáte.

Et ídeo coram te innúmerae astant turbae angelórum,
qui die ac nocte sérviunt tibi
et, vultus tui glóriam contemplántes,
te incessánter gloríficant.

Cum quibus et nos et, per nostram vocem,
omnis quae sub caelo est creatúra
nomen tuum in exsultatióne confitémur, canéntes:

Sanctus, Sanctus, Sanctus Dóminus Deus Sábaoth.
Pleni sunt caeli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.

117. Sacerdos, manibus extensis, dicit:
CP
Confitémur tibi, Pater sancte,
quia magnus es et ómnia ópera tua
in sapiéntia et caritáte fecísti.
Hóminem ad tuam imáginem condidísti,
eíque commisísti mundi curam univérsi,
ut, tibi soli Creatóri sérviens,
creatúris ómnibus imperáret.
Et cum amicítiam tuam, non oboediens, amisísset,
non eum dereliquísti in mortis império.
Omnibus enim misericórditer subvenísti,
ut te quaeréntes invenírent.
Sed et foedera plúries homínibus obtulísti
eósque per prophétas erudísti in exspectatióne salútis.

Et sic, Pater sancte, mundum dilexísti,
ut, compléta plenitúdine témporum,
Unigénitum tuum nobis mítteres Salvatórem.
Qui, incarnátus de Spíritu Sancto
et natus ex María Vírgine,
in nostra condiciónis forma est conversátus
per ómnia absque peccáto;
salútem evangelizávit paupéribus,
redemptiónem captívis,
maestis corde laetítiam.
Ut tuam vero dispensatiónem impléret,
in mortem trádidit semetípsum
ac, resúrgens a mórtuis,
mortem destrúxit vitámque renovávit.

Et, ut non ámplius nobismetípsis viverémus,
sed sibi qui pro nobis mórtuus est atque surréxit,
a te, Pater, misit Spíritum Sanctum
primítias credéntibus,
qui, opus suum in mundo perfíciens,
omnem sanctificatiónem compléret.

118. Iungit manus, easque expansas super oblata tenens, dicit:
CC
Quaesumus ígitur, Dómine,
ut idem Spíritus Sanctus
haec múnera sanctificáre dignétur,

iungit manus
et signat semel super panem et calicem simul, dicens:
ut Corpus et + Sanguis fiant
Dómini nostri Iesu Christi

iungit manus
ad hoc magnum mystérium celebrándum,
quod ipse nobis relíquit in foedus aetérnum.

119. In formulis quae sequuntur, verba Domini proferantur distincte et aperte, prouti natura eorundem verborum requirit.

Ipse enim, cum hora venísset
ut glorificarétur a te, Pater sancte,
ac dilexísset suos qui erant in mundo,
in finem diléxit eos:
et cenántibus illis

accipit panem,
eumque parum elevatum super altare tenens, prosequitur:

accépit panem, benedíxit ac fregit,
dedítque discípulis suis, dicens:

parum se inclinat

Accípite et manducáte ex hoc omnes:
hoc est enim Corpus meum,
quod pro vobis tradétur.

Hostiam consecratam ostendit populo, reponit super patenam, et genuflexus adorat.

120. Postea prosequitur:
Símili modo

accipit calicem,
eumque parum elevatum super altare tenens, prosequitur:

accípiens cálicem, ex genímine vitis replétum,
grátias egit, dedítque discípulis suis, dicens:

parum se inclinat

Accípite et bíbite ex eo omnes:
hic est enim calix Sánguinis mei
novi et aetérni testaménti,
qui pro vobis et pro multis effundétur
in remissiónem peccatórum.
Hoc fácite in meam commemoratiónem.

Calicem ostendit populo, deponit super corporale, et genuflexus adorat.

121. Deinde dicit:
CP
Mystérium fidei.

Et populus prosequitur, acclamans:

Mortem tuam annuntiámus Dómine,
et tuam resurrectiónem confitémur, donec vénias.

122. Deinde sacerdos, extensis manibus, dicit:
CC
Unde et nos, Dómine, redemptiónis nostrae
memoriále nunc celebrántes,
mortem Christi
eiúsque descénsum ad ínferos recólimus,
eius resurrectiónem
et ascensiónem ad tuam déxteram profitémur,
et, exspectántes ipsíus advéntum in glória,
offérimus tibi eius Corpus et Sánguinem,
sacrifícium tibi acceptábile et toti mundo salutáre.

Réspice, Dómine, in Hóstiam,
quam Ecclésiae tuae ipse parásti,
et concéde benígnus ómnibus
qui ex hoc uno pane participábunt et cálice,
ut, in unum corpus a Sancto Spíritu congregáti,
in Christo hóstia viva perficiántur,
ad laudem glóriae tuae.

C1
Nunc ergo, Dómine, ómnium recordáre,
pro quibus tibi hanc oblatiónem offérimus:
in primis fámuli tui, Papae nostri N.,
Epíscopi nostri N.², et Episcopórum órdinis univérsi,
sed et totíus cleri, et offeréntium,
et circumstántium,
et cuncti pópuli tui,
et ómnium, qui te quaerunt corde sincéro.

Meménto étiam illórum,
qui obiérunt in pace Christi tui,
et ómnium defunctórum,
quorum fidem tu solus cognovísti.

Nobis ómnibus, filiis tuis, clemens Pater, concéde,
ut caeléstem hereditátem cónsequi valeámus
cum beáta Vírgine, Dei Genetríce, María,
cum Apóstolis et Sanctis tuis
in regno tuo, ubi cum univérsa creatúra,
a corruptióne peccáti et mortis liberáta,
te glorificémus per Christum Dóminum nostrum,

iungit manus,
per quem mundo bona cuncta largíris.

123. Accipit patenam cum hostia et calicem, et utrumque elevans; dicit:
CP
vel
CC
Per ipsum, et cum ipso, et in ipso,
est tibi Deo Patri omnipoténti,
in unitáte Spíritus Sancti,
omnis honor et glória
per ómnia saecula saeculórum.

Populus acclamat:
Amen.

Deinde sequitur ritus Communionis.

Ritus communionis

124. Calice et patena depositis, sacerdos, iunctis manibus, dicit:
Praecéptis salutáribus móniti,
et divina institutióne formáti,
audémus dícere:

Extendit manus et, una cum populo, pergit:

Pater noster, qui es in caelis:
sanctificétur nomen tuum;
advéniat regnum tuum;
fiat volúntas tua, sicut in caelo, et in terra.
Panem nostrum cotidiánum da nobis hódie;
et dimítte nobis débita nostra,
sicut et nos dimíttimus debitóribus nostris;
et ne nos indúcas in tentatiónem;
sed líbera nos a malo.

125. Manibus extensis, sacerdos solus prosequitur, dicens:

Líbera nos, quaesumus, Dómine, ab ómnibus malis,
da propítius pacem in diébus nostris,
ut, ope misericórdiae tuae adiúti,
et a peccáto simus semper líberi
et ab omni perturbatióne secúri:
exspectántes beátam spem
et advéntum Salvatóris nostri Iesu Christi.

Iungit manus.
Populus orationem concludit, acclamans:
Quia tuum est regnum,
et potéstas, et glória in saecula.

126. Deinde sacerdos, manibus extensis, clara voce dicit:

Dómine Iesu Christe, qui dixísti Apóstolis tuis:
Pacem relínquo vobis, pacem meam do vobis:
ne respícias peccáta nostra,
sed fidem Ecclésiae tuae;
eámque secúndum voluntátem tuam
pacificáre et coadunáre dignéris.

Iungit manus.
Qui vivis et regnas in saecula saeculórum.

Populus respondet:
Amen.

127. Sacerdos, ad populum conversus, extendens et iungens manus, subdit:
Pax Dómini sit semper vobíscum.

Populus respondet:
Et cum spíritu tuo.

128. Deinde, pro opportunitate, diaconus, vel sacerdos, subiungit:
Offérte vobis pacem.

Et omnes, iuxta locorum consuetudines, pacem, communionem et caritatem sibi invicem significant; sacerdos pacem dat diacono vel ministro.

129. Deinde accipit hostiam eamque super patenam frangit, et particulam immittit in calicem, dicens secreto:

Haec commíxtio Córporis et Sánguinis
Dómini nostri Iesu Christi
fiat accipiéntibus nobis in vitam aetérnam.

130. Interim cantatur vel dicitur:

Agnus Dei, qui tollis peccáta mundi: miserére nobis.
Agnus Dei, qui tollis peccáta mundi: miserére nobis.
Agnus Dei, qui tollis peccáta mundi: dona nobis pacem.

Quod etiam pluries repeti potest, si fractio panis protrahitur.
Ultima tamen vice dicitur: dona nobis pacem.

131. Sacerdos deinde, manibus iunctis, dicit secreto:

Dómine Iesu Christe, Fili Dei vivi,
qui ex voluntáte Patris,
cooperánte Spíritu Sancto,
per mortem tuam mundum vivificásti:
líbera me per hoc sacrosánctum Corpus et Sánguinem tuum
ab ómnibus iniquitátibus meis et univérsis malis:
et fac me tuis semper inhaerére mandátis,
et a te numquam separári permíttas.

Vel:
Percéptio Córporis et Sánguinis tui, Dómine Iesu Christe,
non mihi provéniat in iudícium et condemnatiónem:
sed pro tua pietáte prosit mihi
ad tutaméntum mentis et córporis,
et ad medélam percipiéndam.

132. Sacerdos genuflectit, accipit hostiam, eamque aliquantulum elevatam super patenam vel super calicem tenens, versus ad populum, clara voce dicit:
Ecce Agnus Dei, ecce qui tollit peccáta mundi.
Beáti qui ad cenam Agni vocáti sunt.

Et una cum populo semel subdit:
Dómine, non sum dignus, ut intres sub téctum meum,
sed tantum dic verbo, et sanábitur ánima mea.

133. Et sacerdos, versus ad altare, secreto dicit:
Corpus Christi custódiat me in vitam aetérnam.

Et reverenter sumit Corpus Christi.

Deinde accipit calicem et secreto dicit:
Sanguis Christi custódiat me in vitam aetérnam.

Et reverenter sumit Sanguinem Christi.

134. Postea accipit patenam vel pyxidem, accedit ad communicandos, et hostiam parum elevatam unicuique eorum ostendit, dicens:
Corpus Christi.

Communicandus respondet:
Amen.

Et cominunicatur. Eo modo agit et diaconus, si sacram Communionem distribuit.

135. Si adsint sub utraque specie communicandi, servetur ritus suo loco descriptus.

136. Dum sacerdos sumit Corpus Christi, inchoatur cantus ad Communionem.

137. Disiributione Communionis expleta, sacerdos vel diaconus vel acolythus purificat patenam super calicem et ipsum calicem.

Dum purificationem peragit, sacerdos dicit secreto:
Quod ore súmpsimus, Dómine, pura mente capiámus,
et de múnere temporáli fiat nobis remédium sempitérnum.

138. Tunc sacerdos ad sedem redire potest. Pro opportunitate sacrum silentium, per aliquod temporis spatium, servari, vel psalmus aut aliud canticum laudis aut hymnus proferri potest.

139. Deinde, stans ad altare vel ad sedem, sacerdos, versus ad populum, iunctis manibus, dicit:
Orémus.

Et omnes una cum sacerdote per aliquod temporis spatium in silentio orant, nisi silentium iam praecesserit. Deinde sacerdos, manibus extensis, dicit orationem post Communionem. Populus in fine acclamat:
Amen.

Ritus conclusionis

140. Sequuntur, si necessariae sint, breves annuntiationes ad populum.

141. Deinde fit dimissio. Sacerdos, versus ad populum, extendens manus, dicit:
Dóminus vobíscum.

Populus respondet:
Et cum spíritu tuo.

Sacerdos benedicit populum, dicen:
Benedícat vos omnípotens Deus,
Pater, et Fílius, + et Spíritus Sanctus.

Populus respondet:
Amen.

144. Deinde diaconus, vel ipse sacerdos, maníbus iunctis, versus ad populum dicit:
Ite, missa est.

Populus respondet:
Deo grátias.

145. Deinde sacerdos altare osculo de more veneratur, ut initio. Facta denique profunda inclinatione cum ministris, recedit.

FORMULARIA MISSARUM
1
IN ADVENTU

Ant. ad introitum Cf. Zac 14, 5. 7
Ecce Dóminus véniet, et omnes sancti eius cum eo;
et erit in die illa lux magna.

COLLECTA
Deus, qui salutáre tuum cunctis terrae fínibus declarásti,
tríbue, quaesumus,
ut nativitátis eius glóriam laetánter praestolémur.
Per Dóminum.

SUPER OBLATA
Placáre, Dómine, quaesumus,
nostrae précibus humilitátis et hóstiis,
et, ubi nulla súppetunt suffrágia meritórum,
tuae nobis indulgéntiae succúrre praesídiis.
Per Christum.

Ant, ad communionem 2 Tin-, 4, 8
Corónam iustítiae reddet iustus iudex iis qui díligunt advéntum eius.

POST COMMUNIONEM
Repléti cibo spiritális alimóniae,
súpplices te, Dómine, deprecámur,
ut, huius participatióne mystérii,
dóceas nos terréna sapiénter perpéndere,
et caeléstibus inhaerére.
Per Christum.

2
TEMPORE NATIVITATIS

Ant. ad introitum Cf. Io 1, 1
In princípio et ante sáecula Deus erat Verbum,
et ipse nasci dignátus est Salvátor mundi.

COLLECTA
(Ante solletmnitatem Epiphaniae)
Deus, qui pcpulo tuo, Unigéniti tui nativitáte,
redemptiónis efféctum mirabíliter inchoásti,
ita, quaesumus, fidei fámulis tuis tríbue firmitátem,
ut usque ad promíssum glóriae praemium,
ipso gubernánte, pervéniant.
Per Dóminum.

(Post sollemnitatem Epiphaniae)
Deus, qui per Fílium tuum
aeternitátis tuae lumen cunctis géntibus suscitásti,
da plebi tuae fulgórem plenum sui Redemptóris agnóscere,
ut ad perpétuam claritátem per eius increménta pervéniat.
Per Dóminum.

SUPER OBLATA
Súscipe, Dómine, múnera nostra,
quibus exercéntur commércia gloriósa,
ut, offeréntes quae dedísti,
teípsum mereámur accípere.
Per Christum.

Ant. ad communionem Io 3, 16
Sic Deus diléxit mundum, ut Fílium unigénitum daret
ut omnis, qui credit in eum, non péreat, sed hábeat vitam aetérnam.

POST COMMUNIONEM
Deus, qui nos sacraménti tui participatióne contíngis,
virtútis eius efféctus in nostris córdibus operáre,
ut suscipiéndo múneri tuo per ipsum munus aptémur.
Per Christum.

3
IN QUADRAGESIMA

Ant. ad introitum Ps 68, 17
Exáudi nos, Dómine, quóniam benigna est misericórdia tua;
secúndum multitúdinem miseratiónum tuárum réspice nos, Dómine.

COLLECTA
Concéde nobis, omnípotens Deus,
ut per ánnua quadragesimális exercítia sacraménti,
et ad intellegéndum Christi proficiámus arcánum,
et efféctus eius digna conversatióne sectémur.
Per Dóminum.

SUPER OBLATA
Haec hóstia, Dómine, quaesumus, emúndet nostra delícta,
et, ad celebránda festa paschália,
fidélium tuórum córpora mentésque sanctíficet.
Per Christum.

Ant. ad communionem Ps 50,12
Cor mundum crea in me, Deus,
et spíritum rectum innova in viscéribus meis.

POST COMMUNIONEM
Accépto, Dómine, pgnore salútis aetérnae,
fac nos, quaesumus, sic téndere congruénter,
ut ad eam perveníre possímus.
Per Christum.

4
TEMPORE PASCHALI

Ant. ad introitum Ap 19, 6-7
Gaudeámus et exsultémus et demus glóriam Deo,
quóniam regnávit Dóminus Deus noster omnípotens, allelúia.

COLLECTA
(Ante sollemnitatem Ascensionis)
Semper exsúltet pópulus tuus, Deus,
renováta ánimae iuventúte,
ut, qui nunc laetátur in adoptiónis se glóriam restitútum,
resurrectiónis diem spe certae gratulatiónis exspéctet.
Per Dóminum.

(Post sollemnitatem Ascensionis)
Supplicatiónibus nostris, Dómine, adésto propítius,
ut, sicut humáni géneris Salvatórem
tecum in tua crédimus maiestáte,
ita usque ad consummatiónem saeculi manére nobíscum,
sicut ipse promísit, sentiámus.
Per Dóminum.

SÚPER OBLATA
Concéde, quaesumus, Dómine,
semper nos per haec mystéria paschália gratulári,
ut contínua nostrae reparatiónis operátio
perpétuae nobis fiat causa laetítiae.
Per Christum.

Ant. ad communionem Cf. Lc 24, 46. 26
Opórtuit pati Christum, et resúrgere a mórtuis,
et ita intráre in glóriam suam, allelúia.

POST COMMUNIONEM
Exáudi, Dómine, preces nostras,
ut redemptiónis nostrae sacrosáncta commércia
et vitae nobis cónferant praeséntis auxílium
et gáudia sempitérna concílient.
Per Christum.

5
PER ANNUM I

Ant. ad introitum Ps 94, 6-7
Veníte, adorémus Deum, et procidámus ante Dóminum, qui fecit nos;
quia ipse est Dóminus Deus noster.

COLLECTA
Omnípotens sempitérne Deus,
quem patérno nómine invocáre praesúmimus,
pérfice in córdibus nostris spíritum adoptiónis filiórum,
ut promíssam hereditátem íngredi mereámur.
Per Dóminum.

SUPER OBLATA
Concéde nobis, quaesumus, Dómine,
haec digne frequentáre mystéria,
quia, quóties huius hóstiae commemorátio celebrátur,
opus nostrae redemptiónis exercétur.
Per Christum.

Ant. ad communionem Ps 33, 9
Gustáte et vidéte, quóniam suávis est Dóminus; beátus vir, qui sperat in eo.

POST COMMUNIONEM
Spíritum nobis, Dómine, tuae caritátis infúnde,
ut, quos uno caelésti pane satiásti,
una fácias pietáte concórdes.
Per Christum.

6
PER ANNUM II

Ant. ad introitum Ps 65,4
Omnis terra adóret te, Deus, et psallat tibi;
psalmum dicat nómini tuo, Altíssime.

COLLECTA
Sancti nóminis tui, Dómine,
timórem páriter et amórem fac nos habére perpétuum,
quia numquam tua gubernatióne destítuis,
quos in soliditáte tuae dilectiónis instítuis.
Per Dóminum.

SUPER OBLATA
Concéde nobis, miséricors Deus,
ut haec nostra tibi oblátio sit accépta,
et per eam nobis fons omnis benedictiónis aperiátur.
Per Christum.

Ant. ad communionem Io 6, 52
Panis, quem ego dédero, caro mea est pro sxculi vita, dicit Dóminus.

POST COMMUNIONEM
Pane mensae caeléstis refécti, te, Dómine, deprecámur,
ut hoc nutriméntum caritátis corda nostra confírmet,
quátenus ad tibi ministrándum in frátribus excitémur.
Per Christum.

7
DE SANCTISSIMA EUCHARISTIA

Ant. ad íntroítum Ps 80, 17
Cibávit eos ex ádipe fruménti, et de petra melle saturávit eos.

COLLECTA
Deus, qui nobis sub Sacraménto mirábili
passiónis tuae memóriam reliquísti,
tríbue, quaesumus,
ita nos Córporis et Sánguinis tui sacra mystéria venerári,
ut redemptiónis tuae fructum in nobis iúgiter sentiámus.
Qui vivís et regnas.

SUPER OBLATA
Ecclésiae tuae, quaesumus, Dómine,
unitátis et pacis propítius dona concéde,
quae sub oblátis munéribus mystice designántur.
Per Christum.

Ant. ad communionem Io 6, 57
Qui mandúcat meam carnem et bibit meum sánguinem,
in me manet et ego in eo, dicit Dóminus.

POST COMMUNIONEM
Fac nos, quaesumus, Dómine,
divinitátis tuae sempitérna fruitióne repléri,
quam pretiósi Córporis et Sánguinis tui
temporális percéptio praefigúrat.
Qui vivis.

8
DE SPIRITU SANCTO

Ant. ad introitum Rom 5, 5
Cáritas Dei diffúsa est in córdibus nostris,
per inhabitántem Spiritum eius in nobis.

COLLECTA
Mentes nostras, quaesumus, Dómine,
Paráclitus qui a te procédit illúminet,
et indúcat in omnem, sicut tuus promísit Fílius, veritátem.
Per Dóminum.

SUPER OBLATA
Haec oblátio, quaesumus, Dómine,
cordis nostri máculas emúndet,
ut Sancti Spíritus digna efficiátur habitátio.
Per Christum.

Ant. ad communionem Io 15, 26; 6, 11
Spíritus qui a Patre procédit, ille me clarificábit, dicit Dóminus.

POST COMMUNIONEM
Dómine Deus noster,
qui nos vegetáre dignátus es caeléstibus aliméntis,
suavitátem Spíritus tui penetrálibus nostri cordis infúnde,
ut, quae temporáli devotióne percépimus,
sempitérno múnere capiámus.
Per Christum.

9
DE BEATA MARIA VIRGINE

Ant. ad introitumn Sedulius
Salve, sancta parens, eníxa puérpera Regem,
qui caelum terrámque regit in saecula saeculórum.

COLLECTA
Famulórum tuórum, quaesumus, Dómine, delictis ignósce,
ut, qui tibi placére de áctibus nostris non valémus,
Genetrícis Filii tui Dómini nostri intercessióne salvémur.
Per Dóminum.

SUPER OBLATA
Unigéniti tui, Dómine, nobis succúrrat humánitas,
ut, qui natus de Vírgine
Matris integritátem non mínuit, sed sacrávit,
a nostris nos piáculis éxuens,
oblatiónem nostram tibi reddat accéptam.
Per Christum.

Ant. ad communionem Cf. Lc 11, 27
Beáta víscera Maríae Vírginis, quae portavérunt aetérni Patris Fílium.

POST COMMUNIONEM
Quos caelésti, Dómine, mystério recreásti,
poténti semper virtúte defénde,
et ad aetérnam pátriam,
beáta Vírgine María adiuvánte, perveníre concéde.
Per Christum.

10
DE SANCTIS APOSTOLIS ET MARTYRIBUS

Ant. ad introitum
Gaudent in caelis ánimae Sanctórum, qui Christi vestígia sunt secúti;
et quia pro eius amóre sánguinem suum fudérunt,
ídeo cum Christo exsúltant sine fine.

COLLECTA
(Pro Apostolis)
Deus, qui nos per beátos Apóstolos
ad agnitiónem tui nóminis veníre tribuísti,
intercedéntibus sanctis N. et N., concéde propítius,
ut semper augeátur Ecclésia increméntis
in te credéntium populórum.
Per Dóminum.

(Pro martyribus)
Praesta, Dómine, précibus nostris cum exsultatióne provéntum,
ut sancti mártyris N.,
cuius diem passiónis ánnua devotióne recólimus,
étiam fidei constántiam subsequámur.
Per Dóminum.

SUPER OBLATA
(Pro Apostolis)
Glóriam, Dómine, sanctórum Apostolórum N. et N.,
perpétuam venerántes,
quaesumus, ut vota nostra suscípias
et ad sacra mystéria celebránda nos digne perdúcas.
Per Christum.

Ant. ad communionem Lc 22, 28-30
Vos estis qui permansístis mecum in tentatiónibus meis,
et ego dispóno vobis regnum, dicit Dóminus,
ut edátis et bibátis super mensam meam in refino meo.

POST COMMUNIONEM
(Pro Apostolis)
Percéptis, Dómine, sacraméntis,
súpplices in Spíritu Sancto deprecámur,
ut, quae pro Apostolórum N. et N.
veneránda gérimus passióne, nos in tua dilectióne consérvent.
Per Christum.

(Pro martyribus)
Deus, qui crucis mystérium
in sanctis martyribus tuis mirabíliter illustrásti,
concéde propítius, ut, ex hoc sacrificio roboráti,
Christo fidéliter haereámus,
et in Ecclésia ad salútem ómnium operémur.
Per Christum.

11
DE SANCTIS

Ant. ad introitum Ps 144, 10-11
Confiteántur tibi, Dómine, ómnia ópera tua, et sancti tui benedícant tibi:
glóriam regni tui dicent, et poténtiam tuam loquéntur.

COLLECTA
Omnípotens aetérne Deus,
qui per glorificatiónem Sanctórum
novíssima dilectiónis tuae nobis arguménta largíris,
concéde propítius, ut,
ad Unigénitum tuum fidéliter imitándum,
et ipsórum intercessióne commendémur,
et incitémur exémplo.
Per Dóminum.

SUPER OBLATA
Preces nostras, Dómine, quaesumus, propitiátus admítte,
et, ut digne tuis famulémur altáribus,
Sanctórum tuórum nos intercessióne custódi.
Per Christum.

Ant. ad communionem Ps 67, 4
Iusti epuléntur, et exsúltent in conspéctu Dei, et delecténtur in laetítia.

POST COMMUNIONEM
Omnípotens sempitérne Deus,
Pater totíus consolatiónis et pacis,
presta famíliae tuae in celebritáte Sanctórum
ad laudem tui nóminis congregátae,
ut, per Unigéniti tui sumpta mystéria,
pignus accípiat redemptiónis aetérnae.
Per Christum.

12
PRO DEFUNCTIS

Ant. ad introitum
Dona eis, Dómine,
réquiem sempitérnam et imple splendóribus ánimas eórum.

COLLECTA
Deus, qui Unigénitum tuum, devícta morte,
ad caeléstia transíre fecísti,
concéde fámulis tuis N. et N.,
ut, huius vitae mortalitáte devicta,
te conditórem et redemptórem possint perpétuo contemplári.
Per Dóminum.

SUPER OBLATA
Hóstias, quaesumus, Dómine,
quas tibi pro fámulis tuis offérimus,
propitiátus inténde,
ut, quibus fídei christiánae méritum contulísti,
dones et praemium.
Per Christum.

Ant. ad communionem
Pro quorum memória Corpus et Sanguis Christi súmitur, dona eis,
Dómine, réquiem sempitérnam.

POST COMMUNIONEM
Multíplica, Dómine, his sacrifíciis suscéptis,
super fámulos tuos defúnctos misericórdiam tuam,
et, quibus donásti baptísmi grátiam,
da eis aeternórum plenitúdinem gaudiórum.
Per Christum.

FORMULA GENERALIS ORATIONIS FIDELIUM

Ad Deum Patrem omnipoténtem,
qui vult omnes hómines salvos fieri
et ad agnitiónem veritátis veníre,
tota mentis nostrae, fratres caríssimi, dirigátur orátio.

1. Pro Ecclésia sancta Dei:
    ut eam Dóminus custodíre et fovére dignétur,
    Dóminum deprecémur.
    R. Praesta, aetérne omnípotens Deus.

2. Pro totíus orbis pópulis:
    ut inter eos Dóminus concórdiam serváre dignétur,
    Dóminum deprecémur.
    R. Praesta, aetérne omnípotens Deus.

3. Pro ómnibus qui váriis premúntur necessitátibus:
    ut omnes Dóminus subleváre dignétur,
    Dóminum deprecémur.
    R. Praesta, aetérne omnípotens Deus.

4. Pro nobismetípsis ac pro nostra communitáte:
    ut nos omnes Dóminus hóstiam sibi acceptábilem
    admíttere dignétur,
    Dóminum deprecémur.
    R. Praesta, aetérne omnípotens Deus.

Omnípotens sempitérne Deus,
qui salvas omnes et néminem vis períre,
exáudi preces pópuli tui, et praesta;
ut et mundi cursus pacífico nobis tuo órdine dirigátur,
et Ecclésia tua tranquílla devotióne laetétur.
Per Christum Dóminum nostrum.
R. Amen.

PRAEPARATIO AD MISSAM

Oratio S. Ambrosii

Ad mensam dulcíssimi convívii tui, pie Dómine Iesu Christe,
ego peccátor de própriis meis méritis nihil praesúmens,
sed de tua confídens misericórdia et bonitáte,
accédere véreor et contremísco.
Nam cor et corpus hábeo multis crimínibus maculátum,
mentem et linguam non caute custodítam.
Ergo, o pia Déitas, o treménda maiéstas,
ego miser, inter angústias deprehénsus,
ad te fontem misericórdiae recúrro,
ad te festíno sanándus,
sub tuam protectiónem fúgio;
et, quem Iúdicem sustinére néqueo,
Salvatórem habére suspíro.
Tibi, Dómine, plagas meas osténdo,
tibi verecúndiam meam détego.
Scio peccáta mea multa et magna, pro quibus tímeo:
spero in misericórdias tuas, quarum non est números.
Réspice ergo in me óculis misericórdiae tuae,
Dómine Iesu Christe, Rex aetérne, Deus et homo,
crucifíxus propter hóminem.
Exáudi me sperántem in te:
miserére mei pleni misériis et peccátis,
tu qui fontem miseratiónis numquam manáre cessábis.
Salve, salutáris víctima,
pro me et omni humáno génere in patíbulo Crucis obláta.
Salve, nóbilis et pretióse Sanguis,
de vulnéribus crucifíxi Dómini mei Iesu Christi prófluens,
et peccáta totíus mundi ábluens.
Recordáre, Dómine, creatúrae tuae,
quam tuo Sánguine redemísti.
Paenitet me peccásse,
cúpio emendáre quod feci.
Aufer ergo a me, clementíssime Pater,
omnes iniquitátes et peccáta mea,
ut, purificátus mente et córpore,
digne degustáre mérear Sancta sanctórum.
Et concéde, ut haec sancta praelibátio Córporis et Sánguinis tui,
quam ego indígnus súmere inténdo,
sit peccatórum meórum remíssio,
sit delictórum perfécta purgátio,
sit túrpium cogitatiónum effugátio
ac bonórum sénsuum regenerátio,
operúmque tibi placéntium salúbris efficácia,
ánimae quoque et córporis
contra inimicórum meórum insídias firmíssima tuítio.
Amen.

Oratio S. Thomae Aquinatis

Omnípotens sempitérne Deus,
ecce accédo ad sacraméntum Unigéniti Fílii tui,
Dómini nostri Iesu Christi,
accédo tamquam infírmus ad médicum vitae
immúndus ad fontem misericórdiae,
caecus ad lumen claritátis aetérnae,
pauper et egénus ad Dóminum caeli et terrae.
Rogo ergo imménsae largitátis tuae abundántiam,
quátenus meam curáre dignéris infirmitátem,
laváre foeditátem, illumináre caecitátem,
ditáre paupertátem, vestíre nuditátem,
ut panem Angelórum, Regem regum et Dóminum dominántium,
tanta suscípiam reveréntia et humilitáte,
tanta contritióne et devotióne, tanta puritáte et fide,
tali propósito et intentióne,
sicut éxpedit salúti ánimae meae.
Da mihi, quaeso, domínici Córporis et Sánguinis
non solum suscípere sacraméntum,
sed étiam rem et virtútem sacraménti.
O mitíssime Deus,
da mihi Corpus Unigéniti Fílii tui, Dómini nostri Iesu Christi,
quod traxit de Vírgine María, sic suscípere,
ut córpori suo mystico mérear incorporári
et inter eius membra connumerári.
O amantíssime Pater, concéde mihi diléctum Fílium tuum,
quem nunc velátum in via suscípere propóno,
reveláta tandem fácie perpétuo contemplári:
Qui tecum vivit et regnat
in saecula saeculórum.
Amen.

Oratio ad B. Mariam Virginem

O Mater pietátis et misericórdiae, beatíssima Virgo María,
ego miser et indígnus peccátor
ad te confúgio toto corde et afféctu,
et precor pietátem tuam,
ut, sicut dulcíssimo Fílio tuo in Cruce pendénti astitísti,
ita et mihi, mísero peccatóri, et sacerdótibus ómnibus,
hic et in tota sancta Ecclésia hódie offeréntibus,
cleménter assístere dignéris,
ut, tua grátia adiúti,
dignam et acceptábilem hóstiam
in conspéctu summae et indivíduae Trinitátis
offérre valeámus.
Amen.

Formula intentionis

Ego volo celebráre Missam,
et confícere Corpus et Sánguinem Dómini nostri Iesu Christi,
iuxta ritum sanctae Románae Ecclésiae,
ad laudem omnipoténtis Dei totiúsque Cúriae triumphántis,
ad utilitátem meam totiúsque Cúriae militántis,
pro ómnibus qui se commendavérunt oratiónibus meis
in génere et in spécie,
et pro felíci statu sanctae Románae Ecclésiae.
Amen.

Gáudium cum pace,
emendatiónem vitae, spátium verae paeniténtiae,
grátiam et consolatiónem Sancti Spíritus,
perseverántiam in bonis opéribus,
tríbuat nobis omnípotens et miséricors Dóminus.
Amen.

GRATIARUM ACTIO POST MISSAM

Oratio S. Thomae Aquinatis

Grátias tibi ago,
Dómine, sancte Pater, omnípotens aetérne Deus,
qui me peccatórem, indígnum fámulum tuum,
nullis meis méritis, sed sola dignatióne misericórdiae tuae
satiáre dignátus es pretióso Córpore et Sánguine Fílii tui,
Dómini nostri Iesu Christi.
Et precor, ut haec sancta commúnio
non sit mihi reátus ad poenam,
sed intercéssio salutáris ad véniam.
Sit mihi armatúra fídei, et scutum bonae voluntátis.
Sit vitiórum meórum evacuátio,
concupiscéntiae et libídinis exterminátio,
caritátis et patiéntiae, humilitátis et oboediéntiae,
omniúmque virtútum augmentátio:
contra insídias inimicórum ómnium
tam visibílium quam invisibílium, firma defénsio:
mótuum meórum, tam carnálium quam spiritálium,
perfécta quietátio:
in te uno ac vero Deo firma adhaesio,
atque finis mei felix consummátio.
Et precor te, ut ad illud ineffábile convívium
me peccatórem perdúcere dignéris,
ubi tu, cum Fílio tuo et Spíritu Sancto,
Sanctis tuis es lux vera, satíetas plena,
gáudium sempitérnum,
iucúnditas consummáta et felícitas perfécta.
Per Christum Dóminum nostrum.
Amen.

Aspirationes ad Ss. mum Redemptorem

Anima Christi, sanctífica me.
Corpus Christi, salva me.
Sanguis Christi, inébria me.
Aqua láteris Christi, lava me.
Pássio Christi, confórta me.
O bone Iesu, exáudi me.
Intra tua vúlnera abscónde me.
Ne permíttas me separári a te.
Ab hoste maligno defénde me.
In hora mortis meae voca me.
Et iube me veníre ad te,
ut cum Sanctis tuis laudem te
in saecula saeculórum.
Amen.

Oblatio sui

Súscipe, Dómine, univérsam meam libertátem.
Accipe memóriam, intelléctum atque voluntátem omnem.
Quidquid hábeo vel possídeo, mihi largítus es:
id tibi totum restítuo,
ac tuae prorsus voluntáti trado gubernándum.
Amórem tui solum cum grátia tua mihi dones,
et dives sum satis, nec áliud quidquam ultra posco.

Oratio ad Dominum nostrum Iesum Christum Crucifixum

En ego, o bone et dulcíssime Iesu,
ante conspéctum tuum génibus me provólvo,
ac máximo ánimi ardóre te oro atque obtéstor,
ut meum in cor vívidos fidei, spei et caritátis sensus,
atque veram peccatórum meórum paeniténtiam,
eáque emendándi firmíssimam voluntátem velis imprímere;
dum magno ánimi afféctu et dolóre
tua quinque vúlnera mecum ipse consídero
ac mente contémplor,
illud prae óculis habens,
quod iam in ore ponébat tuo David prophéta de te, o bone Iesu:
Fodérunt manus meas et pedes meos:
dinumeravérunt ómnia ossa mea (Ps 21, 17).

Oratio universalis sub nomine Clementis Pp. XI vulgata

Credo, Dómine, sed credam fírmius;
spero, sed sperem secúrius;
amo, sed amem ardéntius;
dóleo, sed dóleam veheméntius.
Adóro te ut primum princípium;
desídero ut finem últimum;
laudo ut benefactórem perpétuum;
ínvoco ut defensórem propítium.
Tua me sapiéntia dírige,
iustítia cóntine,
cleméntia soláre,
poténtia prótege.

Offero tibi, Dómine, cogitánda, ut sint ad te;
dicénda, ut sint de te;
faciénda, ut sint secúndum te;
ferénda, ut sint propter te.
Volo quidquid vis,
volo quia vis,
volo quómodo vis,
volo quámdiu vis.
Oro, Dómine: intelléctum illúmines,
voluntátem inflámmes,
cor emúndes,
ánimam sanctífices.
Défleam pratéritas iniquitátes,
repéllam futúras tentatiónes,
córrigam vitiósas propensiónes,
éxcolam idóneas virtútes.
Tríbue mihi, bone Deus,
amórem tui, ódium mei,
zelum próximi,
contémptum mundi.
Stúdeam superióribus oboedíre,
inferióribus subveníre,
amícis consúlere,
immicis párcere.
Vincam voluptátem austeritáte,
avarítiam largitáte,
iracúndiam lenitáte,
tepiditátem fervóre.

Redde me prudéntem in consíliis,
constántem in perículis,
patiéntem in advérsis,
húmilem in prósperis.
Fac, Dómine, ut sim in oratióne atténtus,
in épulis sóbrius,
in múnere sédulus,
in propósito firmus.
Curem habére innocéntiam interiórem,
modéstiam exteriórem,
conversatiónem exemplárem,
vitam regulárem.

Assídue invígilem natúrae domándae,
grátiae fovéndae,
legi servándae,
salúti promeréndae.
Discam a te quam ténue quod terrénum,
quam grande quod divínum,
quam breve quod temporáneum,
quam durábile quod aetérnum.
Da, ut mortem praevéniam,
iudícium pertímeam,
inférnum effúgiam,
paradísum obtíneam.
Per Christum Dóminum nostrum.
Amen.

Orationes ad B. Mariam Virginem

O María, Virgo et Mater sanctíssima,
ecce suscépi dilectíssimum Fílium tuum,
quem immaculáto útero tuo concepísti,
genuísti, lactásti atque suavíssimis ampléxibus strinxísti.
Ecce, cuius aspéctu laetabáris et ómnibus delíciis replebáris,
illum ipsum tibi humíliter et amánter repraesénto et óffero,
tuis brácchiis constringéndum, tuo corde amándum,
sanctissimae que Trinitáti in suprémum latríae cultum,
pro tui ipsíus honóre et glória
et pro meis totiúsque mundi necessitátibus, offeréndum.
Rogo ergo te, piíssima Mater,
ímpetra mihi véniam ómnium peccatórum meórum,
uberémque grátiam ipsi deínceps fidélius serviéndi,
ac dénique grátiam finálem,
ut eum tecum laudáre possim
per ómnia saecula saeculórum.
Amen.
Ave María, grátia plena, Dóminus tecum;
benedícta tu in muliéribus,
et benedíctus fructus ventris tui, Iesus.
Sancta María, Mater Dei,
ora pro nobis peccatóribus
nunc et in hora mortis nostrae.
Amen.

1 El domingo, especialmente en el tiempo pascual, en lugar del acto penitencial habitual, en algunas ocasiones puede hacerse la bendición y aspersión del agua en memoria del Bautismo, como aparece en el Apéndice 1, pp. 1181-1188.

2 Aquí se puede hacer mención del Obispo Coadjutor o de los Obispos Auxiliares, conforme a lo previsto por la OGMR, n.149.